¿Bakisan yua nani ra dîa daukaia sip sa?

Rilidian nani liliaka yua bara holi kulki yua nani ra upla aihkika ba ai watla ra sa. Baha mita smalkaia dukiara sanska kum pain sa. Kangrigisan nani ra kupia bukisa naha yua nani ra ridi takaia smalkaia warkka daukaia. Baha yua nani ra upla ba kau let buisa kaka, pain kabia smalki taki waia aidrubanka awarka ba chens munbia. Gâd Warkka Daukaia Aidrubanka ra dîa chens munbia ba maisa pakanka kum yabaia sip sa, bara sut ra kupia bukbia baha yua ra smalkaia warkka tâ baikaia. Bakisan yua nani ra yawan yus munisa wira ris briaia dukiara apia kaka un wan bisniska nani daukaia. Sakuna pain kabia baha yua ra awar kum kum saki smalkaia taki wabia. Baku yawan liliaka tara bribia Jehova warkka daukan ba mita (Mt. 11:29, 30).