Smalkaia Warkka Pâwanka nani

Jisas Pruan Kupia Kraukanka piua ra bara impaki pura kakaira ba kangrigisan ra wih kaikisa taimka ra tâ baiki smasmalkra baku takaia sip sa. Baha sanska takan ba wina smalki tataukra nani ba uba pain tâ baikisa. Betel apiska pura kaiki pliska nani ra, mani 2010 ra tâ baiki smasmalkra 361.174 ba ra kan ba wina mani luan ra 774.144 kau ulan. Naha tânka sa 114 % pâwanka takan sa. Naha sanska painkira brin ba yus muni bas, baku Jehova ra mayunaia liliaka lâka brima (Law. 73:28).