¿Gâd bîla ba yu bani wan tâ brisa ki?

Baibil yu bani aisi kaikaia ba, hilp tara kum sa wan kasakka lukan lâka karna bara bapi briaia dukiara (Kol. 2:6, 7). Sakuna Jehova bîla wan rayaka sins munbia want sa kaka, dîa ulbanka wi ba luki kaikaia sa bara alki sin daukaia sa (Hib. 4:12; Je. 1:22-25). Baha daukaia dukiara Jasua 1:8 kasak hilp wan munisa natka yumhpa wal: 1) Baibil ba “kakna bara tihmia” aisi kaikaia sa; 2) Wan kupia wal “aisi kaiki bas”, wibia kaka, taim aitani briaia sa dîa aisi kaikisma ba luki kaia dukiara; 3) Karna trai kaikaia sa “dîa daukaia ulban ba dauki kaia dukiara”. Naha natka yumhpa nina blîkbia kaka, yu bani yamni wan taki kabia bara sins lâka kat diara sut daukbia.