Yawan swapras sa

4:16-18

Yawan wira lukbia pamali wâl bâra sa utla tara uptis kum ra, bara watla rumka nani saura bara almuk sa. Pamali kum ba wari takisa, sakuna wala ba lilia sa. ¿Dîa muni lilia sa? Kan pamali wala ba tisku utla raya bara painkira kum ra tawbia.

“Gâd paskan ba sut naiwa kat ban latwan bri ai mamna lulkisa” sakuna, Gâd dukia dadaukra nani ba bîla kaikanka kum brisa bara baha ba hilp kum sa bapi bûi kaia dukiara (Ro 8:22). Yawan nu sa naiwa pât nani wahwi ba bara mani luan nani wina sin wahwi ba, “diara wirha apia” sa “bara isti luisa”, yawan baku kaikisa Gâd tasba raya ra ban kaia ra blisinka nani wankbia ba wal praki kaikisa taim. Naika piua ra King Lâka blisinka nani wankbia ba ra lukaia ba, hilp wan munbia yawan swapras bara lilia kaia.