¿Examinando las Escrituras diariamente wauhkataya ba wina yamnika sakisma ki?

Man ba Jehova wal asla kaia wisi, ¿Examinando las Escrituras diariamente yua bani tikska bara tânka smalki ba sin aisi kaikisma ki? Baku daukras sma kaka, ¿naiwa wina tâ krikaia sip sma ki? Muihni bara lakri ailal ba titan ra tikska aisi kaikisa bara baku yu aiska baha tikska ra luki bara alki daukisa wark nani dauki ba tilara (Jas 1:8; Law 119:97). ¿Man nahki sip sma yua bani tikska ba wina yamnika sakaia? Baha tikska lamara bors wala nani sin aisi kaiks bara baku kau tânka brima. Baha tikska smalkanka ba dukiara luks ani Baibil sturka kum wal praki kaikaia sip sa. Ba wina, baha smalkanka ba rayakam ra alki dauks. Gâd Bîla ba dîa wan smalki ba yawan luki daukisa taim, wan rayaka ba tâ bribia bara baku yamnika ba sâkbia (Law 119:105).

Tasba aiska ra Betel uplika nani ba titan pata piaia piua ra Examinando las Escrituras diariamente wauhkataya ba laki kaikisa. Bahara dîa aisan ba, mani luan las nani ba wina JW Broadcasting^® ra mangki swin sa, lilka nani pliska ra AISANKA BARA MAISA PAKANKA NANI. ¿Naha sât aisanka nani ba bisi taim kaikram ki? Ban kra baha aisanka nani tila wina kum ba man walaia nit sma. Kaisa kaikaia nahki Lot sturka ba hilp wan munaia sip sa.

NAHA TASBA NA YAWAN LATWAN KAIKBIARA (1JN 2:15) LILKIKA BA KAIKBIA NINGKARA, NAHA MAKABI WALANKA NANI LAKI KAIKS:

• ¿Titan mayunra ba ra ani Baibil smalkanka laki kaikan ki?

• ¿Lot sturka ba nahki wan marikisa naha tasba bara diara nani bri ba yawan latwan kaikisa kaka trabil ra wan dingkaia sip ba? (Bla.S 13:12; 14:12; 19:3, 12, 13, 24-26).

• ¿Yawan nahki marikisa Jehova ra latwan kaikisa kuna naha tasba bara diara bri ba lika apia?