KRISTIAN RAYAKA KAT IWAIA
¿Yang maipara dîa dukia kau kulkanka tara brisa ki?
Jekob ba insal kum mapara aiklabi pura luan bara diara tara kum brin: Jehova blisinka ba (Bla.St 32:24-31; Os 12:3, 4). Bamna, ¿yawan ba Jehova bîla walaia trai munisa ki witin blisin wankbia dukiara? Luki kaiks, awar kau pura praki wark takaia sma, sakuna sim yua ra aidrubanka ra waia sma, ¿man dîa daukma ki? Man taimkam, karnikam bara dukiam nani ba wal Jehova ra prana yabisma kaka, witin blisin ailal maikbia, bara yamnika ailal man puramra yakabia (Mal 3:10). Witin ba tâm bribia, kainam kahbia bara diara nit sma ba maikbia (Mt 6:33; Hib 13:5).
SPIRIT LÂKA WARKKA NANI MAN DAUKAIA WANT SMA BA PIU BANI LUKI BAS LILKIKA KAIKBIA NINGKARA, NAHA MAKABI WALANKA NANI LAKI KAIKS:
¿Kristian mairin kum dîa trabilka mapara aiklabi pura luan ki?
¿Dîa muni wan warkka ba traika kaikanka kum takaia sip sa?
Timoti ba spirit lâka ra pat pâwan kan sakuna, ¿dîa muni Gâd warkka nani ba ban dauki kaia trai munaia nit kan ki? (1Ti 4:16).
¿Rayakam ra dîa dukia kau kulkanka tara brisa ki?
¿Yawan mapara wark kau kulkanka tara bri ba nahki marikisa ki?