KRISTIAN RAYAKA KAT IWAIA
Jehova ai uplika nani ra kaina kahbisa
Israel uplika nani ba Insal Luan Yua ba pas trip kulkan taim diara tara kan. Baha tihmia, Fero nu takan ai luhpia tawahkia ba pruan, baha mita Moses ra win: “Man nani taki was upliki nani tila wina, Israel luhpia nani sin brih taki was. Dawankam ra wih mayuns man nani aisaram ba baku” (Imp.St 12:31). Jehova ai uplika nani ra piua bani kaina kahbi ba marikan.
Nawas piua Gâd uplika nani sturka ba yawan stadi munisa taim, kasak nu sa Jehova ai uplika nani ra ban tâ brih bara kaina kahbisa. Apis tara museoka ra, plis kum ba baha tânka klir marikisa, lalka ba “Jehova nina tara kulki uplika nani ba”.
WARWICK MUSEO PLISKA NANI RA WIH KAIKAIA: “JEHOVA NINA TARA KULKI UPLIKA NANI BA” LILKIKA BA KAIKBIA NINGKARA, NAHA MAKABI WALANKA NANI LAKI KAIKS:
¿Mani 1914 ra Baibil Stadi Tatakra nani ba dîa hilpka raya yus munan ki tânka kasak ba smalkaia dukiara, bara dîa yamnika nani sakan?
¿Mani 1916 bara 1918 ra muihni bara lakri nani ba dîa trabilka nani pura luaia kan, bara nahki param kaikan Jehova ai uplika nani ra tâ bri kan ba?
¿Mapa buanka lâka ba tilara nahki Gâd uplika nani ba bapi bûi kan ki?
¿Mani 1935 ra Jehova uplika nani ba dîa ai tânka brin, bara baha ba nahki witin nani ra yamni munan?
Naha museoka na, apia kaka sucursal wala ra museo kum wih kaikram kaka, ¿nahki kasakkam lukan lâka ba karna takan sa Jehova ai uplika nani ra tâ brih bara kaina kahbi ba mita?