KRISTIAN RAYAKA KAT IWAIA
Aman kaikpi turi kunin ba dahra kwahkbiara
Naiwa piua ra upla milian milian ba wauhtaya, radiu, tilivisan bara Internet bâk isti noticia wali bara kaikisa. Yawan ba Gâd kasakka tânka bri ba ra mayunisa, baha mita yawan lukras kabia sin want apia sa turi kunin dahra kwahkaia (Law 31:5; Imp.St 23:1). Yawan dîa walan ba upla wala nani ra laki aisisa taim trabil munaia sip sa. Turi kum rait sa sapa nu takaia dukiara, wînam kat mamkabi wals:
¿Baha sturka ai win uplika ba kasakkira sa ki? Sturka aisan uplika kum ba diara sut nu âpu sa kaia sa. Ya sturi kum upla wala ra aisi tauki ba, tawa tawa baha sturka ba sât wala takisa. Bamna baha sturka sakram ba ani pali wina aula nu âpu sma kaka, aman kaiks. Almuk bara hilp mamunra nani dîa aisi ba kangrigisan rispik muni ba mita, turi kum rait sapa nu âpu kaka, witin nani lika kau aman pali kaikaia sa.
¿Baha sturka ba upla nina sauhkaia sip sa? Baku sa kaka, kau pain sa dîa walram ba aisaia apia (S.L 18:8; Pil 4:8).
¿Baha sturka ba rait sa? Dîa walisma ba pura praki sturka kum talia sa kaka, aman kaiks.
¿DÎA MUNI UPLA DAHRA KWAHKAIA BA SAURA SA? LILKIKA BA KAIKBIA NINGKARA, NAHA MAKABI WALANKA NANI LAKI KAIKS:
Sins Lâka 12:18 aisi ba baku, ¿yawan dîa aisi ba nahki sip sa wala nani ra sauhkaia?
Wala nani dukiara kau aisaras kainara, ¿Pilipai 2:4 nahki hilp wan munisa pain luki aisaia?
Upla kum wala nani dukiara lawaska kiki bara nina sauhki aisisa taim, ¿yawan dîa daukaia sa?
Upla wala nani dukiara aisaras kainara, ¿wan wîna kat dîa makabi walaia sa?