Maritkam lâka ba kaina kahs

Jehova mapara marit lâka swer takanka ba holikira sa, bara marit nani ban aikuki kaia sa wisa (Mt 19:5, 6). Jehova asla takanka ra marit lilia nani ailal bâra sa. Sakuna, marit kumi sin âpu sa mistik luha ba, bara ban trabil nani bâra sa. Yawan aima kumi ra sin lukaia apia sa dakwi takaia apia kaka dibors takaia lâka wal trabilka ba danh daukaia. ¿Kristian nani ba nahki sip sa ai maritka lâka kaina kahbaia?

Smalkanka 5 kaikbia.

1. Kupiam ba main kaiks. Triswaia apia sa bara lilia takaia wisi rug lâka dukia nani plikaia apia sa. Baha nani ba marit lâka sauhkaia sip sa (Mt 5:28; 2Pi 2:14).

2. Jehova wal pâmnika lâka brisma ba karna dauks bara trai muns marit lâka kum Gâd yamni kaiki ba briaia (Law 97:10).

3. Daukanka raya yamni nani ba prâmka baku dimi bas. Diara sirpi kabia kra sin maritkam ra daukanka yamni mariki kama kaka, witin man wal pain ai dara walbia (Kol 3:8-10, 12-14).

4. Maritkam wal piua bani aisas bara rispik lâka mariki bas (Kol 4:6).

5. Maritkam wal prawisma taim, latwan lâka bara kupia swapni mariki bas (1Ko 7:3, 4; 10:24).

Kristian nani ba marit lâka rispik munisa taim marit lâka papaskra Jehova ra kulkanka yabisa.

SWAPRAS BAN PLAPI KAIA SA—PLAPANKA LÂKA NANI BA BÎLA WALI KAP LILKIKA BA KAIKBIA NINGKARA, NAHA MAKABI WALANKA NANI LAKI KAIKS:

• 

  Marit lâka ba pain tâ krikbia kra sin, ¿dîa sât trabil nani takaia sip sa?

• 

  Upla kum ai maritka lâka ra latwan lâka âpu sa lukisa kaka, ¿Baibil smalkanka nani ba nahki hilp munaia sip sa?

• 

  ¿Marit nani ra Jehova dîa smalkanka nani yabisa?

• ¿Marit lâka pain wabia dukiara maya waitna wihki maya mairin wal dîa daukaia sa?