Jehova ra kasak luki ba marikaia dukiara tnatka yumhpa ba

Debit Jehova ra kasak luki kan ba mita, Goliat ra pura luaia sip kan (1Sa 17:45). Jehova ai pânika nani hilp munaia dukiara ai karnika marikaia want sa (2Kr 16:9). Yawan silp wan karnika ra kasak lukaia watlika ra Jehova ra kasak luki ba marikaia dukiara, ¿dîa daukaia sip sa? Tnatka yumhpa kaikbia.

• Piua bani puram suns. Gâd ra puram sunma taim, mistikkam padin munbia baman wipara, traika kaikanka kum mapara buaia karnika sin makas (Mt 6:12, 13). Jehova ra puram sunma taim, dîa wahbi sakram ba blisin munbia baman makabaia apia sa, kau wahbi sakras kainara smalkanka maikbia makas (Je 1:5).

• Piua bani Baibil aisi kaiki stadi taks. Yu bani Baibil aisi kaiks (Law 1:2). Baibil ra taki uplika nani ra luki, witin nani wina dîa lan takisma ba alki dauks (Je 1:23-25). Smalkaia dukiara ridi taks bara dîa nu sma ba ra baman kulkpara. Bara, aidrubanka nani ra yamnika nani sakaia dukiara, kainara stadi taks.

• Jehova asla takanka wal asla wark taks. Asla takanka diara raya wan smalkisa taim, bîla wali nina blîks (Kul.K 9:17). Kangrigisan almukka nani smalkisa taim sin, bîla wali nina blîks (Hib 13:17).

¡NINAM BLÎKBIA TAIM, SI BRIPARA! LILKIKA BA KAIKBIA NINGKARA, NAHA MAKABI WALANKA NANI LAKI KAIKS:

• ¿Lilkika ra kristian waitna bara mairin nani ba diaura si bri kan?

• ¿Ai sibrinka lâka pura luaia dukiara, witin nani ra dîa hilp munan?