KRISTIAN RAYAKA KAT IWAIA
Brinkam nani ba alki takaski bris
Yawan mistik tatakra nani ba mita, piua nani sut ra wan brinka nani alki takaskaia nit sa. Wan brinka mita wan tâ bribia swisa kaka, Jehova wal pânika lâka ba lus tiwaia sip sa. Upla kum kum swin, utla, plun, apia kaka kwala briaia brinka ba Gâd ra latwanka lâka bri ba wal kau tara pâwbia. Wala nani ba Jehova lâka mapara, ai brinka kat rug lâka dauki banhwisa (Ro 1:26, 27). Baku sin, wala nani ba ai pânika nani laik kaikbia dukiara, daukanka saura nani praptis munisa (Imp.St 23:2).
¿Nahki sip sa wan brinka nani alki takaskaia? Dîa Jehova kupia lilia dauki ba ra wan sinska mangkaia dukiara, dîa sip ba kat trai munaia sa (Mt 4:4). Baku sin, wan brinka nani alki takaskaia dukiara, Jehova ra bik takaia sa ai hilpka wankbia. ¿Dîa muni? Kan witin nu sa, ani ba yawan mapara kau pain sa, bara nahki tnatka pain nani wal wan âuyapah kaia ba sin (Law 145:16).
RAYAKAM KIASMA BAKU TAKBIA SWIPARA LILKIKA BA KAIKBIA NINGKARA, NAHA MAKABI WALANKA NANI LAKI KAIKS:
¿Dîa muni upla kum kum sigarit dîsa?
¿Sigarit dîsa kaka, dîa wan takaia sip sa ki?
¿Dîa muni sigarit bara ai sâtka nani diaia ba saura sa ki? (2Ko 7:1).
¡Sigarit diaia brinka ba pura luaia sip sma!
¿Nahki man sip sma naha daukanka saura nani wina sait ra kaia, apia kaka sigarit disma ba danh swiaia?