¿Puram sunra nani Jehova ansa muni ba kaikisma ki?

Baibil ra sturi manis ulban sa Jehova pura sunra nani ansa munan ba dukiara. Gâd uplika nani ba kaikan ai trabilka nani ra Jehova luki kan bara hilp muni kan. Baha ba ai kasakka lukan lâka kau karna daukan. Baha mita yamni sa diara nani sitnika kat wan pura sunaia, bara trai munaia Jehova nahki ansa wan muni ba kaikaia. Yawan nu kaia sa Jehova nahki ansa wan muni ba yawan bîla kaiki kan ba wal sât wala kaia sip sa, apia kaka yawan dîa makaban ba purkara daukaia sin sip sa (2Ko 12:7-9; Epe 3:20). Jehova nahki ansa wan muni ba tnatka kum kum kaisa kaikaia.

• Trabil nani tilara, wîna tara bara spirit lainka ra karna wan daukisa. Baku sin pain wan dara wali kaia dukiara karnika wankisa (Pil 4:13).

• Wahbi sakanka nani pain daukaia dukiara sins lâka wankisa (Je 1:5).

• Gâd kupia lâka daukaia dukiara brinka bara karnika wankisa (Pil 2:13).

• Wan kupia turbisa taim, kupia kumi lâka wankisa (Pil 4:6, 7).

• Upla wala nani yus munisa yawan dîa nit ba, bara maisa nihkanka nani wankaia dukiara (1Jn 3:17, 18).

• Yawan upla wala nani dukiara wan pura sunisa taim, witin nani ra ai hilpka yabisa (Ap.St 12:5, 11).

JEHOVA WAN PURA SUNRA BA WALISA LILKIKA BA KAIKBIA NINGKARA, NAHA MAKABI WALANKA NANI LAKI KAIKS:

• ¿Kristian waitna Shimizu sturka ba wîna tara ra trabil bri nani ra nahki kupia bukisa?

• ¿Kristian waitna Shimizu dîa daukan ba yawan nahki tnata luki daukaia sip sa?