Marit lâka ba ban kaia dukia kum sa

Ya ai marit lâka pain bri ba Jehova ra mayunisa bara lilia brisa (Mk 10:9). Kristian kum ai maritka lâka ba piua wihka ra wabia bara lilia kabia want sa kaka, ya wal marit takaia wahbi sâkbia taim, Baibil smalkanka nani ba laki kaikaia nit sa.

Waitna apia kaka mairin kum wal kakaira takaia dukiara taukaia lukisma kaka, “[wahma] tiara piua ba pat lui auya ba” bîla kaikaia sa, wibia kaka, baha piua ra wînam brinka ba uba karna sa, bara sinskam blakaia sip sa (1Ko 7:36). Kau mayas sma ba ra, Gâd wal pâmnika lâka kau karna daukaia bara daukanka yamni nani praptis munaia dukiara taimkam ba pain yus muns. Baku daukma kaka, man sip kama maritkam lâka pain kum briaia.

Marit takras kaina ra taimkam ba pain yus muns “pramna ba kupiam bilara kaia” dukiara (1Pi 3:4). Marit takaia lukisma uplika daukanka kum kum dukiara namhpa namhpa lukisma kaka, witin wal aisas. Pâna lâka apia kaka pamali kum ra baku, maritkam lâka ra sin mayam yamnika ba kau plikaia sma silp man yamnikam ba plikaia watlika ra (Pil 2:3, 4). Mayas sma piua ra Baibil smalkanka nani alki daukisma kaka, marit kama taim ban dauki kama, bara baku marit lâka liliakira kum brima.

MARIT TAKRAS KAINA RA DÎA DAUKAIA SIP SMA. PÎSKA 3: “LALAH TIKAI BA PAS KULKI KAIKS” LILKIKA BA KAIKBIA NINGKARA, NAHA MAKABI WALANKA NANI LAKI KAIKS:

• ¿Kristian mairin kum ba Chein wal nahki auya kan?

• ¿Kristian mairka ba Chein wal kau kakaira taki kan taim ai daukanka nani ra dîa kaikan?

• ¿Ai aisika bara yaptika ba witin ra nahki hilp munan, bara witin dîa wahbi sakan?