KRISTIAN RAYAKA KAT IWAIA
Gâd bara ai asla takanka mapara kunin aisi uplika nani puisinka wina sait ra kap
Wan kasakka lukan lâka swapni daukaia dukiara, Sitan bara ai uplika nani ba, diara kunin nani kasak baku kaikbia trai kaikisa (2Ko 11:3). Sim baku Asiria uplika nani ba, Jehova nisanka kupia batakaia dukiara, diara kasak ra kunin nani dingki aisan (2Kr 32:10-15). Gâd bara ai asla takanka mapara kunin aisi uplika nani ba sim baku daukisa. Ai bîla wina puisin nani baman takisa, baha mita witin nani dîa aisi ba kumi sin walaia apia sa. Yawan witin nani dîa ulbi ba aisi kaikras, bara pana ulbras. Baku sin wala nani wal baha dahra aisaras. Jehova bara ai asla takanka mapara kunin nani aisi ba wina sait ra kaia bara walaia apia dukiara dîa daukaia sip sma ba lan taks (Jud 3, 4).
“MAN NANI KASAK LUKANKAM BA DUKIARA KARNA PALI AIKLABI KAMA” (PÎSKA KUM) LILKIKA KAIKBIA NINGKARA, NAHA MAKABI WALANKA NANI LAKI KAIKS:
¿Internet ra diara aisi kaikras kaina ra bara ya wal ulbi ba dîa muni aman kaikaia sa?
¿Nahki Roman 16:17 smalkanka ba nina blikaia sip sa?