Lisin 8

Ya nani ba God waihla nani sa?

Kau God waihlka paliba sika Sitan Dibil ba. Witin ba spirit paskanka kum Jehova mapara buwata. Sitan ba God mapara ban aiklabi sa bara upla nanira trabil ailal munisa. Sitan ba saura kira kum sa, kuninkira bara upla aikra sin.​—Jan 8:44.

Spirit paskanka wala nani Sitan wal asla taki bagwan God mapara buanka daukata bara. Baibil witin nanira makisa lasa nani. Sitan wal baku, lasa nani ba upla nani waihla sa. Uplara watawi munaia lihki bangwisa (Matyu 9:​32, 33; 12:22). Jehova bui Sitan bara ai lasika nani sutra sauhki tikbia bankaiara. Kau piu prahni bri bangwisa upla nani ra saura munaia.​—Reveleshen 12:12.

Yawan God wal wan panika takaia brin wan daukisa kaka, Sitan brinka ba yawan daukaia apia sa. Sitan bara ai lasika nani aikuki Jehova ra misbara kaiki bangwisa. Witin nani God waihla nani sa bara want sa yawan nani sin baku kabia. Baha mita, yawan pliki briaya sa yaura kupia laka daukaia: Sitan ra apia kaka Jehova ra. Yawan raya ban kaia wantsa kaka, yawan wilin kaia sa God kupia laka ba daukaia. Sitan ba upla nanira kunin munaia lan palisa tnatka nani ailalra, bara tramp ailal yus munisa daukaia dukiara. Baku brih upla nani aihkika ra kunin munisa.​—Reveleshen 12:9.