Lisin 14

God panika nani ba saura ba tnayara laki sa

Sitan wan traika kaiki bangwisa saura naniba daukbia dukiara. God panika nani kaia wan brinka sa kaka, yawan misbara kaikaia sa Jehova misbara kaiki bara (Salmo 97:10). Naha nani dukia kum kum na God panika naniba tnayara lakaia sa:

Ruk takaia saurka laka nani. “Marit laka krikaia apia sma” (Exodo 20:14). Kau marit takras kainara ruk takaia ba sin saura sa.​—1 Korint nanira 6:18.

Bla laka. “Bla tatakra nani ba [ . . . ] God Kingka laka ai dukia bribia [apia].”​—1 Korint nanira 6:10.

Upla ikaia bara Luhpa iki sakaia. “Upla ikaia apia sma.”​—Exodo 20:13.

Implikan laka. “Implikaia apia sma.”​—Exodo 20:15.

Kunin laka. Jehova misbara kaikisa “twisa kuninkira” ba.​—Proverbios 6:17.

Rau munaia bara kupia baiwanka sip alki takaskras ba laka. “[Jehova] misbara kaikisa ya ya rau munaia laka ba latwan kaiki ba” (Salmo 11:5). “Wîna tara brinka warkka nani” tila ra bangwi sa “kupia baiwanka saura laka.”​—Galeshan nanira 5:​19, 20.

Lahla dukiara puliba. “Prawi bangpara ya ya uplika [ . . . ] nani [ . . . ] gridi mita pura luiba.”​—1 Korint nanira 5:11.

Plis wala winara bara kiamka wala nanira misbara kaikan laka. “Waihlam nanira ban latwan kaikibas bara ninam bliki saura mai munaia luki nanira pura sunibas.”​—Matyu 5:​43, 44.

God diara nani wan wiba wan painka dukiara. Aima bani isi apia sa saura ba tnayara lakaia. Sakuna Jehova bara ai Witniska nani hilpka wal, man sip sma tnayara lakaia diara nani God yamni kaikras ba.​—Isaias 48:17; Filipai nanira 4:13; Hibru nanira 10:​24, 25.