Lawana 7

Wan rayaka Gâd ra yabisa

(Hibru nani 10:​7, 9)

1. Paskanka sut pranakira

Jehova Gâd daukan,

heven, tasba sut Ai dukya,

Ai mihta ni paskan.

Raya kaia payaska yan

baku param takan

Witin mayunan kabia sika,

kan baha Ai raitka sa.

2. Jisas liura tahbi daukan

tanka sut ra kasak.

Ai pura suni Gâd ra win:

‘Want sma kat daukamni’.

Jordan wina ulan bara

Bak Sakan Luhpia kan,

ai rayaka yaban kum baku

Gâd bila wali daukan.

3. Mamwan kat bui bangwisna,

mamyunaia ba want.

Yawan man ra bauikira

wan rayaka ba yan.

Luhpiam Unsak pali yabram,

prais tara aibapan.

Dan wan tawan iwi bangwras sna,

kan yawan ba man dukyam.

(Mat. 16:24; Mark 8:​34; Luk 9:​23 ba sin kaiks.)