Lawana 73

Wan kupia aiska ni latwan kaikaia

(1 Pita 1:22)

1. Yawan latwanka laka ba,

wan kupia munhta wina bal;

rait pana laka marikbia

muihni-lakri sut ra.

Yawan misar plikbia sika

marikaia wan latwanka.

Gâd kupia yamni bri ba kat,

wan kupia sin param.

Kaikbia wan kupia pihni

ani ani sin nit bri nani,

wan daukanka nani ni,

sip ba kat ai ta baiki.

Wan walka rispik munaia.

Pain ya ba kat sin iwaia;

upla nina sauhki apia.

Ban kasak kat aihwa si,

ban wark takbia aikuki!

2. Wan latwanka sunu bara,

isti laui aihka takras;

wan muihni-lakri nani ra

rait kasak lukisa.

Rait pana kum sakbia sika;

rait upla ra luki kaka.

Aidrubi ba swiras lika,

dutki wan sakisa.

Sut mina swakswaka bri;

ban kra bahki wibia sin sturi.

Gâd kaiki lukbia sari

kan latwan wan kaikisa.

Kasak pana bangwi sut ba,

ai wilkanka rait swiras ban.

Yas lamtwan param sa wibia.

Kan Jehova prana sa,

ai latwan kat iwisma!

(1 Pi. 2:​17; 3:8; 4:8; 1 Jan 3:​11 ba sin kaiks.)