Lawana 107

‘Kaisa Jehova ilka ra uli wap’

(Aiseya 2:2-4)

1. Aluih! Kaiks purara,

il yari tarkatara.

Naiwa Jehova ilka,

bara bapan sika.

Ta kum ta wala kat

upla bal aidrubi kaiks.

Wisa: ‘Bal uli wap,

Gâd wi ba kat dauki kap’.

Pyua ba pat balan

sirpi ba nisan tara takbia.

Kau pawi, taura wih

Gâd ta bri blisin wan muni sin.

Milian Gâd ra bali

King ra kulkan aitani.

Gâd wal ban wapni sin

kaia pramis munisa.

2. Jisas lâ wisata

wih smalkbia tasba sut ra.

Sut ra King laka

sturka yamni ba brihwaia.

Kraist pat Kingka takan,

ai uplika kabia want.

Yaka upla lamni

wali nak pain wapbia sin.

Lilia sa kaikaia

Kwara Tara kau pawi auya!

Au sika! Yawan sin,

Gâd kakaira takbia help muni.

Wan karma bukisa,

sut ra mahka wiaisa:

‘Kaisa Jehova ilka ra,

ban takaskaia’.

(Lawana 43:3; 99:9; Ais. 60:22; W.n 16:5 ba sin kaiks.)