PÎSKA 8

¿Dîa muni Jisas ba pruan?

Jisas pruan ba mita yawan raya ban kaia ra iwaia sip sa (Jan 3:16)

Mairin kum kum ba Jisas tumka imhti kata ba kaikisa

Yu yumhpa Jisas pruan ningkara, mairin kum kum witin raitika ra kaikaia wan bara raitika ba imhti kan, sakuna Jehova pruan nani tila wina pat bukan kan.

Jisas ba ai disaipilka nani ra param takisa ba wina hibin ra uli wisa

Baha wina Jisas ai apastilka nani ra param takan.

Jehova Jisas ra spirit uplika karnakira kum sip pruras baku bukan. Disaipil nani ba kaikan nahki Jisas heven ra uli wan.

Jehova Jisas ra pruan kan ba wina bukan ai Kingka lâka Kingka kabia dukiara (Daniel 7:13, 14)

Jisas ba ai iwaika pranakira wina, upla sut ra ta brisa naha tasba paradaiska ra

Jisas ai rayaka ba yaban upla nani saurka bara prura wina atki sakaia dukiara (Matiu 20:28). Baha mita Jehova raya ban kaia lâka wankisa.

Jehova Jisas ra wahbi sakan naha tasba pura ra King baku iwbia dukiara. Witin wal upla 144.000 ba king aimakbia. Witin nani ba bîla wawalra sa bara pruan ba wina bubia taim heven ra wabia. Jisas bara 144.000 uplika nani aikuki gabamint kasak pali kum sa: naha ba Gâd Kingka lâka sa (Param Marikanka 14:1-3).

Gâd Kingka lâka ba naha tasba paradais kum daukbia. Bara war aiklabanka, upla saura nani, umpira lâka bara plun wahwanka ba sin âpu kabia. Upla sut lilia pali iwbia (Lawana Nani 145:16).