INTERNET RA ULBI SAKANKA NANI Watchtower
Watchtower
INTERNET RA ULBI SAKANKA NANI
miskitu
Â
  • î
  • â
  • û
  • Î
  • Â
  • Û
  • BAIBIL
  • ULBI SAKANKA NANI
  • AIDRUBANKA NANI
  • lfb smalkanka 70 wah. 166-wah. 167 baiki.s 2
  • Jisas aisubanka ba insal nani maisa pakisa

Naha pîska na lilka âpu sa.

Lilka mangki kan taim, trabil kum takan.

  • Jisas aisubanka ba insal nani maisa pakisa
  • Baibil wina smalkanka nani lan takisna
  • Naha tânka na wal talia
  • Jisas Bip Watla Kum Ra Aisuban
    Baibil Sturka nani bukka
Baibil wina smalkanka nani lan takisna
lfb smalkanka 70 wah. 166-wah. 167 baiki.s 2
Jisas aisubanka ba insal nani sepad nani ra maisa pakisa

SMALKANKA 70

Jisas aisubanka ba insal nani maisa pakisa

César Augusto Roma kingka tara ba, Ju nani sut ai aisubanka pliska ra wih ai nina mangkan kaia adarka yaban. Baku Josep bara Meri Betlehem ra impakan, Josep pamalika ba baha wina kan. Piua baila pali kan Meri ai bibika baikaia.

Betlehem ra wan taim, plis kumi baman sakan takaskaia dukiara bîp pata watla kum ra, Jisas bahara aisuban. Meri kwala wal blaki tânkira daiwan pata watla kum ra tnikan.

Betlehem lamara, sepad kum kum tihmia twi ra ai sîpka nani main kaiki kan. Ban wina insal kum param takan bara Gâd prana ingnika ba ai tnaya kir ra kaiki banhwan. Sîp main kakaira nani ba sirang iwan, kuna insal ba witin nani ra win: “Si bripara, sturi painkira nani brih balri. Misaya ba naiwa Betlehem ra aisuban sa”. Baha minitka ra, kasbrika ra insal ailal param taki aisan: “Gâd ra mayunan kabia heven ra, bara tasba ra kupia kumi lâka”. Ba wina insal nani lap tiwan. ¿Sepad nani ba dîa daukan?

Sepad nani pana pana aisan: “Nanara Betlehem ra wâp”. Baku wih banhwan taim, Josep bara Meri wal ra kaikan bîp pata watla ra bibi aisubi takan ba sin.

Insal dîa sepad nani ra win ba upla sut walan taim tâ iwan. Insal bîla nani ba Meri aman luki kan bara aima kumi sin ai auya tikras kan. Sepad nani ba ai sîpka nani main kaikaia kli twi ra wan, Jehova ra tingki yaban diara nani sut kaikan bara walan ba dukiara.

“Gâd sika ai blikan ba mita nâra sna. Yang selp balras, sakuna witin ai blikan” (Jan 8:42 [TNM]).

Makabi walanka nani: ¿Jisas aisubanka ba insal nani nahki maisa pakan? ¿Sepad nani ba Betlehem ra ya nani ra kaikan?

Luk 2:1-20; Aiseya 9:6.

    Miskitu bîla ra Ulbi sakanka nani (1996-2025)
    Prakaia
    Dimaia
    • miskitu
    • Blikaia
    • Kau laik ba
    • Copyright © 2025 Watch Tower Bible and Tract Society of Pennsylvania
    • Nahki yus munaia
    • Nahki yus munaia raitka ba
    • Internet dukiara wahbi sakanka wala nani
    • JW.ORG
    • Dimaia
    Blikaia