Pîska 9 tâ krikanka

Naha pîska ra, tuktan, prapit bara king nani Jehova ra kasak lukanka tara bri kan ba dukiara, yawan lan takbia. Siria ra, Israel tuktika mairin kum ba kasak luki kan Jehova prapitka ba Naamán ra rakbia. Prapit Eliseo ba, kasak lukan suldiar waihla nani dakni kum wina Jehova ai kan kahbia. Prîs tara Joiadá ai rayaka pât ra mangkan tukta Joás ai kukika saura Atalía wina kan kahbaia. King Ezequías kasak luki kan Jehova Jerusalem swaki sâkbia, bara Asiria suldiarka nani ai mapara bui kan taim swapras kan. King Josías, aidul mayunanka kuntri wina âpu daukan, tempel kli paskan bara tawan ra hilp munan Jehova ra kli mayunaia.