Pîska 11 tâ krikanka

Na pîska ra, Kristian Grik bîla ra Ulbanka wina sturi nani aisi kaikbia. Jisas pamali umpira bara tawan sirpi kum ra iwi kan ba ra aisuban, ai aisa wal wark takan, tat wal diara papaskra kan. Jisas ba upla nani swaki sasakra kabia. Jehova heven King Lâka kingka kaia dukiara wahbi sakan. Man luhpa nani brisma kaka, hilp muns tânka bribia Jehova tânkira wahbi sakan Jisas pamalika ba, iwanka tnatka kasak kum ra pâwbia dukiara. Tânka wis Jehova Jisas ra main kaikan Herod ikaia want kan taim. Diara kumi sin alki takaskbia apia Jehova kupia lâka ba aimakaia. Smalks Jehova Jan ra wahbi sakan Jisas yabalka ridi daukbia dukiara. Param aisas Jisas tuktan wina Jehova sinska lâka ba latwan kaiki kan, Gâd tâ briaia lâka ba ra kasak luki kan, silp ai lukanka ra lika apia.