Pura sunra lawanka

1. Jehova Gâd, man ra tingki mai wisna.

Naha pura sunra bâk maikisna.

Man ra sika yang ban kasak lukisna,

lamamra main ai kaiki ai bri bas.

Saurki ba mamwan ra uba tara kan,

ba mita padinkam ba nit kapri.

Kuna nanara man pat pri ai sakram,

ba mita uba tingki mai wisna.

2. Lamtwan lâka mita tingki mai wisna,

man lamamra kaia sip ai daukram.

Latwan mai kaikaia pliskam hilp ai muns,

lan ai dauks man wal ban wapni kaia.

Tingki, spiritkam holikira ba wal

kupia karna lâka ban aikisma.

Liliakira warkkam ban dauki kamna,

bawikira nani sut aikuki.