Smalkanka tânka tara nani ba klir mariks

Hibru Nani 8:1

BÎLA PRAHNI RA: Mai wali nani ra hilp muns aisankam aiska ra pain ai sinska mangkbia, bara klir mariks tânka tara nani ba wal dîa wilkanka brisa, bara dîa lukanka wal yabisma ba sin.

NAHKI DAUKAIA

• Dîa lukanka wal daukma ba luks. Man aisankam wal dîa daukaia want sma ba lukaia sma: tânka kum marikaia baman, upla kupia alkaia, apia kaka kupia bukaia, bara ridi takma taim baha dukiara luki bas. Trai kaiks tânka tara nani yus munma ba hilp mai munbia baha lukanka kat daukaia.

• Aisanka plamaika ba klir mariks. Piu bani aisankam aiska ra bîla nani kau tânka tara bri ba kli kli aisas, apia kaka bîla wala yus muni sim tânka ba mariks.

• Tânka tara nani ba tnatka klir bara isi ra mariks. Ani tânka tara nani wihki aisanka plamaika wal wilkanka bri ba baman yus muns, bara ai taimka ba kat aisas. Tânka tara wiria baman wahbi sâks bara klir mariks. Diara wala dukiara kau aisaras kainara wira takas, bara tnatka isi ra tânka wala ba aisas.