Smalkanka ba upla kupia kat dimbia

Sins Lâka 3:1

BÎLA PRAHNI RA: Mai wali uplika nani ra hilp muns dîa lan taki ba latwan kaikbia bara alki daukbia.

NAHKI DAUKAIA

• Mai wali nani ra hilp muns ai lukanka ba laki kaikbia. Upla ra makabi walanka dauks nahki ai dara wali ba laki kaikbia dukiara.

• Kupia buks. Mai wali uplika nani ra hilp muns tânka bribia dîa muni wark yamni nani daukisa. Mariks dîa muni diara nani ba lukanka pain wal daukaia sa: Jehova bara upla nani ra latwan kaikaia ba, bara Baibil smalkanka nani ra sin. Mai wali nani wal tânka ba luki kaiks, sakuna lawi daukpara. Aisankam ba danh takbia taim, witin nani ai swira bribia watlikara, kau wilinkira ai dara walbia daukaia sma.

• Upla nani Jehova ra lukbia dauks. Tânka mariks nahki Baibil smalkanka bara lâ nani ba hilp wan munisa Gâd ra kakaira takaia, bara nu takaia witin ba latwan wan kaikisa. Wali nani ra hilp muns Jehova ra latwan kaikbia, baku tnatka ra witin ra luki kabia bara ai kupia lâka daukaia.