SMALKANKA 12
¿Trabil brima sin dîa hilp mai munbia Baibil stadika ba swiaia apia?
Baibil stadi takaia ba hilp wan munisa. Sakuna sam taim isi apia sa, ban kra lukisma stadika ba piua bani brima sapa. ¿Aitani sa ki karna trai muni Baibil stadi munaia? ¿Trabil brima sin dîa hilp mai munbia ban Baibil stadi muni kaia?
1. ¿Dîa muni yamni sa Baibil stadi munaia?
“Gâd Bîla ba rayaka brisa bara karnika sin brisa” (Hibru Nani 4:12). Baibil ba buk tânka tara bri ba kum sa, kan Gâd kupia lâka ba dukiara aisisa, bara man dukiamra Gâd dîa lukisa sin. Baibil tânka kau brima, sakuna baha baman apia, rayakam ra diara yamni daukma hilp mai munbia bara naika piua ra diara yamni briaia bîla kaikma. Bara diara kau yamni ba sika, Baibil ba hilp mai munbia Jehova pânika takaia. Aima bani man Baibil stadi takisma ba, Baibil ba rayakam ra hilp mai munisa.
2. ¿Dîa muni nit sa ki Baibil dîa wan smalki ba tara kulkaia?
Baibil smalkanka nani ba gul manakira baku sa. Baha mihta Baibil naha daukaia wan paiwisa: “Kasak tânka ba bara sins lâka ba atki bris [...] ¡Atkrika wabiara!” (Sins Lâka 23:23). Baibil smalkanka tânka tara bri ba yawan kulkisa kaka, yawan Baibil ban stadi taki kabia trabil bâra kabia sin (Sins Lâka 2:4, 5 aisi kaikma).
3. ¿Nahki Jehova hilp mai munbia piua bani Baibil stadi taki kama dukiara?
Jehova wan Papaskra bara karnika sut bri ba Gâdka sa bara pâmnika sa, baha mihta witin nu sa dîa mai takisa bara hilp mai munaisa witin ra kau kakaira takma. “Gâd mita sika man nani ra brinka yamni nani ba maikisa, bara baku kat daukaia sin hilpka maikisa” (Pilipai 2:13 aisi kaikma). Baha mihta, man Baibil stadi munaia dukiara kupiam bukaia nit sa kaka Jehova hilp mai munaisa, baku sin man sip kama dîa lan takisma ba rayakam ra alki daukaia. Bara Gâd sin karnika maikbia trabil nani bara mapa buanka ba pura luaia. Yu bani makabi bas Jehova hilp mai munbia piua bani Baibil stadi takaia (1 Tesalonaika 5:17).
KAU LAN TAKS
Kaisa kaikaia dîa daukaia sip sma piua bani Baibil stadi taki kama dukiara upla wala daukpara mai wibia sin, apia kaka taim âpu man wima sin. Bara ningkara kaikbia nahki Jehova hilp mai munbia tâura impaki wama dukiara.
4. Trai kaiks Baibil stadi takisma ba kulkanka tara bribia rayakam ra
Sam taim diara ailal daukaia takisa, baha mihta taim âpu sa Baibil stadi takaia dukiara. ¿Dîa daukaia sip sa? Epesus 5:16 aisi kaikma, bara naha dukiara aisi banhma:
Man dîa lukisma, ¿nahki sip sma “piua brisma na pain yus” munaia?
¿Dîa daukaia sip sma Baibil stadika ba kau kulki bara taim briaia stadi takaia dukiara?
Kap kum auhya ni banhki baha bilara walpa dingkaia trai munma kaka, walpaya nani ba sip dingkras kama.
Sakuna pas tâura walpaya nani dingkma kaka, sip kama auhya aihkika ba yakabi dingkaia. Sim baku, “piua brisma na pain yus” munma kaka, sip kama diara kau tara nani ba alki daukaia, baku sin kau taim brima diara wala daukaia dukiara.
Baibil stadi takisa taim, wan spiritka nitka nani wankisa, wibia sa kaka, Gâd ra kakaira taki mayunaia nitka nani ba. Matiu 5:3 aisi kaikma, bara naha dukiara aisi banhma:
Baibil stadika ba wan rayaka ra tara kulkbia kaka, ¿dîa yamnika yawan bribia?
5. Baibil stadika ba ban bris upla kum man mampara bubia sin
Sam taim upla kum kum mai wibia Baibil stadika ba swima. Sakuna Francesco sturka ba kaiks. LILKA ba kaikma, bara naha dukiara aisi banhma:
¿Francesco pamalika bara pânika nani ba dîa lukan, witin Baibil stadi taki kan ba nu takan taim?
Baibil stadika ba witin swiras kan ba mita, ¿dîa blisinka brin?
2 Timoti 2:24, 25 aisi kaikma, bara naha dukiara aisi banhma:
¿Pamalikam bara pâmnika nani ba dîa lukisa man Baibil stadi takisma ba mita?
Naha borska nani mariki ba baku, ¿man dîa daukaia sma upla kum Baibil stadi takma apia mai wibia kaka? ¿Dîa muni?
6. Jehova hilp mai munbia kasak luks
Gâd wal yawan kau asla sa taim, witin kupia lâka daukaia yawan wilin takisa. Baku kabia sin, isi apia sa wan rayaka tnatka ba chens munaia Gâd lâka kat. Yu kum baku damra walma kaka, tayat takpara Jehova hilp mai munbia. LILKA ba kaikma, bara naha dukiara aisi banhma:
Lilka ra mariki ba baku, ¿Jim dîa swiaia kan Jehova kupia lâka daukaia dukiara?
¿Witin sturka ba wina man dîa yamni kaikisma?
Hibru Nani 11:6 aisi kaikma, bara naha dukiara aisi banhma:
¿Jehova dîa daukbia kupia aiska ni “witin ra pliki uplika nani ra”, wibia kaka, baha uplika nani karna trai munisa witin ra kakaira taki bara ai kupia lâka daukaia?
¿Dîa lukisma Jehova nahki ai dara walisa man ba karna trai munisma Baibil stadi takaia dukiara?
UPLA KUM KUM MAKABI WALISA: “¿Bara man dîa mata Baibil stadi takisma?”.
¿Man baha dukiara dîa wima?
DÎA LAN TAKRAM
Baibil stadi munaia isi apia kabia sin, raya ban kaia lâka ba maikbia. Jehova ra kasak lukisma kaka, witin yamni mai munbia.
Wan kupia krawaia
¿Man dîa muni Baibil smalkanka nani ba tara kulkisma?
Diara ailal daukaia ba tilara dîa kau kulkanka tara bri ba nu takma taim, ¿nahki sip kama “piua brisma na pain yus” munaia?
¿Dîa muni makabaia sma Jehova hilp mai munbia ban Baibil stadi takaia?
KAU PLIKI KAIKS
Tnatka 4 bâra ba laki kaiks upla ailal ra hilp munisa ai taimka ba pain yus munaia.
“Wan taimka ba nahki pain yus munaia” (¡Despertad!, febrero 2014)
Mairin kum want kan Gâd kupia lâka ba daukaia kuna, ai mâya waitna ba lika ai tânka briras kan mâya mairin dîa dauki kan. Kaiks nahki Jehova mâya mairin ra hilp munan.
Jehova karnika wankisa wan karbanka nani ba brih waia (5:05)
Kaiks nahki mairin kum swapras kan ba mita ai mâya waitna ra hilp munan.
Sam taim, upla nani ba Jehova witniska nani mapara saura aisi wisa pamali nani ba sauhkisa. ¿Sakuna baha ba rait sa ki?
“¿Jehova witniska nani ba pamali nani ra, sauhkisa ki, apia kaka asla daukisa?” (jw.org ra kaiks)