Smalkaia Warkka ra Kau Daukaia Sip Sma ki?
1. Smalkaia warkka ra dia nitka bara sa, bara dia muni?
1 Upla kwara Gâd Kingka laka sturka walan dauki kan kaiki, Jisas ai disaipel nani ra win: “Insla Dawanka ra makas, ai nasla dakaia wark uplika nani blikbia” (Mat. 9:37, 38). Yawan nasla dakaia pyua tnata pali ra iwi ba mita, wan warkka ba lika diara sut purkara kau isti daukaia sa. Baha mita aitani sa smalkaia warkka ba dia tnatka ra kau daukaia sip sa sapa, yawan kumi bani pura sunra bak laki kaikaia sa (Jan 14:13, 14).
2. Nasla dakaia wark uplika blikbia makaban dukyara, muihni-lakri kum kum ba dia daukisa?
2 Smalkaia Warkka ra Kau Dauks. Jehova wan ta baiki bara wan ta bri, muihni-lakri ailal taura smasmalkra baku smalkaia warkka ra kau pura mangki daukisa (Lawana 26:2, 3; Pil. 4:6). Kum kum ba trai munisa kati kum, apia kaka kau, Ta Baiki Smasmalkra takaia. Baku tnatka ra smalkaia warkka ra kau daukisa. Naha sat warkka dauki uba lilia ai dara walan ba mita, Ta Baiki Smasmalkra nani tila wina kum kum ba ai kupia bukan Taura Smasmalkra takaia (W.n 20:35).
3. Kanra Taura Smasmalkra kapram kaka, nanara diaura aman luki kaia sma?
3 Kli Taura Smasmalkra Takaia Sip Sma ki? Pyu luan ra Taura Smasmalkra baku wark takram kaka, rait apia baha pyua ra luki kupiam lilia man takisa? Bara Taura Smalkaia warkka ba kli alki briaia dukyara pat puram suni Jehova ra kahbi swiram sa ki? Kanra Taura Smasmalkra warkka swima mai tukban dukya ba, ban kra nanara lika mai takaskras sa. Bara naha warkka tara na kli alki brima dukyara durkam kli kwawan kaia sa (1 Jan 5:14, 15).
4. Dia warkka painkira daukaia ba wan mihta ra sa?
4 Ma ailal pat dakan sa, bara tisku sin dakanka ba dan takbia (Jan 4:35, 36). Ba’mita smalkaia warkka ra kau pawaia dukyara yawan kumi bani wan rayaka laki kaiki, dia kau daukaia sip ba pliki sakaia sa. Sakuna rait pali diara kau sip daukras kaka, pat daukisma ba nahki muni kau pain daukaia sip sma ki? (Mark 12:41-44.) Mihtam ra sa kaka, yas baha warkka tara daukma dukyara Jehova mita yus mai munbia! (Lawana 110:3.)