Jehova lan wan daukisa ai warkka daukaia
1. Jehova upla nani ra ai warkka kum daukbia yabisa piua ra, ¿Witin dîa daukisa?
1 Jehova upla nani ra ai warkka kum daukbia yabisa piua ra Witin hilp munisa baha warkka ba tnata mangkaia. Sampla baku, Jehova Noa ra win ark kum paskbia, sakuna witin ai rayaka aiska ra baha sât warkka ba daukras kan. Jehova Noa ra win nahki paskaia kan (Bla.St 6:14-16). Moses sepad bawikira ba Jehova mita blikan king Fero bara Israel uplika almuk nani ra wih smalkaia. Jehova witin ra win: “Yang lika man wal kamna aisisma piua ra, bara mai smalkamna dîa aisaia sma ba sin” (Imp.St 4:12). Smalkaia warkka daukisa piua ra, Jehova yawan ra yakan wan swiras. Kau ni, Gâd Warkka Daukaia Aidrubanka bara Nahki Smalkaia ba Skulka bâk wan smalkisa. ¿Bara baha wina dîa yamnika brisa?
2. Nahki Smalkaia ba Skulka wina, ¿dîa yamnika sakisa?
2 Nahki Smalkaia ba Skulka. Kaina manas ridi takaia sa kau asla aidrubanka ra waras ba ra. Stadi tatakra nani kau pain ai marikanka dauki ba wina wan tânka bribia smalkaia warkka ba kau pain daukaia (S.L 27:17). Asla takanka bani ra Benefíciese bukka ba brih waia sa bara baku sip kabia bahara mark munaia. Skulka tâ bri uplika ba aisanka dauki lubia ningkara Benefíciese bukka wina kupia kraukanka yabia. Bara ani tânka kau lan takaia want sma ba naha bukka ra ulbaia sip sma. Naha skulka ra lan takaia natka kau pain ba sika wan aisanka nani daukaia. Bara man, ¿pat naha skulka ra ninam mangkram sa? Yawan aisanka kum wankisa piua ra kaina manas ridi takaia sa, baku sin skulka tâ bri uplika dîa kupia kraukanka wibia ba aman wali daukaia sa. Bara yawan smalkaia warkka daukisa piua ra yus munaia sip sa.
3. ¿Dîa hilpka sakbia Gâd Warkka Daukaia Aidrubanka ba wina?
3 Gâd Warkka Daukaia Aidrubanka. Kau pain kabia kaina manas ridi takaia bara ulbanka lalka nani sut aisi kaikaia baku sin aidrubanka nani ra aisanka yabaia. Yawan ansika prahni kum yabisa kaka, sanska bâra kabia kau aisaia, baku sin marikanka nani dauki ba ra aman pali wali kaia sa, baha samplika nani dauki ba wina sip sa smalkaia warkka ra yus munaia. Bara Gâd Warkka Dauki wauhkataya nani ba sip sa suni briaia piu wala ra yus munaia dukiara.
4. ¿Dîa yamnika brisa Jehova lan wan dauki ba wina?
4 Sim Noa bara Moses baku yawan sin naiwa piua ra tasba aiska ra smalkaia warkka ba karna pali sa (Mt. 24:14). Yawan Jehova ra kasak lukbia kaka wan warkka ba mâ pain sakbia, bara Smasmalkra tara ba sip sa yus wan munaia diara pain nani daukaia dukiara (Ais. 30:20).