Marikanka nani

Waupasa kati ra pas satadika Baibil stadika nani nahki tâ krikaia

“Naiwa piua karna sa, baha mita pamali nani ba uba wari takisa. Pamali liliaka sakaia dukiara, ¿anira tânka kasak ba sakaia sip sa?” [Ansika maikbia swis.] Ningkara, La Atalaya wauhkataya, Waupasa kati 1 ba uplika ra yas. Baha wina, wahia 16 bara 17 ra ulbanka lalka mununhtara taki ba uplika wal laki kaiks. Wauhkataya ba yas bara uplika wal makabi walanka wala laki kaikaia dukiara kli wih kaikaia ridi taks.

La Atalaya Waupasa kati 1

Wauhkataya ba marikbia ningkara, makabi wals: “Gâd tânka lan takram ba kunin sa, nu takma kaka, ¿nahki damra walma? [Ansika maikbia swis.] Jisas win nahki nu takaia sip sa tânka kasak bara tânka kunin ba [Jan 17:17 ba aisi kaiks.] Baibil ra baman Gâd tânka kasak ba dukiara aisisa. Naha wauhkataya ra kunin 5 bâra sa upla nani Gâd dukiara aisi ba, sakuna Baibil ba baku wiras.”

¡Despertad! Waupasa kati

“Naiwa piua ra pamali aiska ra hilp muni taukisa. Aisa yapti nani mapara ai luhpia nani pakisa piua ra, ¿ani trabilka ba kau karna munisa lukisma? [Ansika maikbia swis.] Aisa yapti nani ailal ba Baibil sinska lâka ra kasak lukisa. Sampla baku, naha bîla nani sinska lâka brisa luhpiam nani ra smalkisma piua ra. [Epesus 4:31 ba aisi kaiks.] Naha wauhkataya ra Baibil tânka kasak ba dukiara aisisa bara aisa yapti nani ra marikisa nahki ai luhpia sirpi wina pakaia sip sa wahma tiara takbia ba kat.”