Jehova ra mayunaia tiunka nani ba liliakira wals

Gâd uplika nani ba mapara miusik ba Jehova prisantka kum baku kaikisa (Je. 1:17). Kangrigisan ailal ra muihni lakri nani liliakira walisa Jehova ra mayunaia tiunka nani ba aidrubanka tâ krikras kainara, baku sin danh takan piua ra sin. Naha tiunka nani mangkaia ba hilp wan munisa wan âuya pah lâka briaia. Baku sin hilp wan munisa wan sinska ra lukaia Jehova ra mayunaia. Naha lawanka nani mangkisa piua ra lan wan daukisa kau pain aiwanaia. Aidrubanka kau tâ krikras kainara mangkbia sa kaka, tiunka kum pain ba mita yamni wan dara walbia bara muihni lakri nani wal aisaia wan kupia bukbia. Baha mita, kangrigisan almukka nani laki kaikisa Cantemos a Jehová (acompañamiento de piano) CDka ba aidrubanka tâ krikras kainara bara danh takbia ningkara mangkbia. Witin nani ba pain laki kaikaia sa tiunka ba uba karna apia kabia, bara muihni lakri nani ba sturi aisaia sanska yabia.