Aksidint kum mai takbia kaka, ¿pat ridi sma ki?

Aksidint kum ban wina takisa (Je. 4:14). Baha mita, aman kaiki uplika ba kaina manis ridi takbia (Sins.L 22:3). ¿Dîa sât saika nani yus munma bara dîa daukaia lukisma ba pat ulbi swiram sa? Hilp mai munaia dukiara Asistencia médica sin transfusiones. Necesidades y derechos del paciente lilkika ba hilp tara maikaia sip sa. Bara sim lilkika bilara Alternativas a las transfusiones. Serie documental ba takisa. Lilkika kaiki auma ba ra, sip kama naha makabi walanka nani ansika yabaia. Aman kaiks: naha lilkika ra upla aparit munanka ba, param sakisa baha mita, aisa yapti nani ba ai luhpia sirpi nani wal kaikbia sapa silp luki kaikaia sa.

1) ¿Dîa muni daktar kum kum ba upla wîna ra tala dingkras wark takaia luki banhwisa ki? 2) Tala dingkras aparit tara nani daukaia sip ba dukiara tânka yumhpa aisas. 3) ¿Daktar nani an âu taki banhwan sa upla ra tala dingkras aparit munaia? ¿Dîa muni baku daukaia wilin takisa? 4) Aspital sât sât ra diara kum kum laki kaikan ba, tala nahki yus muni ba dahra, ¿dîa marikisa? 5) Wan wîna ra tala dingkisa kaka, ¿dîa trabilka takaia sip sa? 6) Wan wîna ra tala dingkras kaia yamnika bâra ba dukiara, daktar lankira ailal ba, ¿dîa luki banhwisa? 7) Tala wik sikniska ba, ¿dîa muni takisa? ¿Upla kum dîa pitka kat ai talia wik briaia sip sa? ¿Sunaia dukiara dîa daukaia sip sa? 8) ¿Upla kum wîna ra nahki muni tala pauni kau paskbia daukaia sip sa ki? 9) Aparit munisa taim, uba tala tikaia apia dukiara, ¿dîa daukaia sip sa? 10) Tuktan kum ra, apia kaka aksidint kum kaka, ¿wîna ra tala dingkras natka nani ba yus takaia sip sa ki? 11) Upla nani ra pain main kaikaia dukiara, ¿ani lâka ba daktar nani mapara kau tara sa?

Naha lilkika ra daktar nani nahki wan munbia want ba natka pain ailal takisa sakuna, kumi bani wan kupia dara walra Baibil ra lan takan ba kat luki wibia ani ba yus munbia. Aksidint kum takbia kat bîla kaikaia apia sa ani natka yus munbia, apia kaka yus munaia apia ba luki kaikaia. “Gâd Latwanka lâka” bukka, saptika 7 ra ulban ba sut laki kaikma mai paiwisa. Baku sin, Gâd Warkka Dauki, Yahbra kati 2006 wauhkataya ba hilp mai munbia tânka pain briaia bara dîa daukaia ba pain laki kaikaia. Jehova Witniska kum pat aihtabi takram sa kaka DPA wahia ra dîa pali want sma ba sut ulbi swis, baku sin piu bani ra brih tauki kaia sma.

[Wahya 3 Lilkika ba]

¿Dîa sât saika nani yus munma bara dîa daukaia lukisma ba pat ulbi swiram sa?