Marikanka nani
Lih Mairin kati ra pas satadika Baibil stadika nani nahki tâ krikaia
“¿Man lukisma rilidian ba latwan lâka bara kupia kumi lâka praptis munisa, apia kaka misbara lâka bara rau munan lâka man yaban takisa? [Ansika maikbia swis.] Naha wauhkataya baha dukiara aisisa bara maikaia want sna.” La Atalaya wauhkataya ba Lih Mairin kati 1 ba yas, uplika wal wahia 16 ba laki kaiks bara tiks nani taki ba tila wina kum aisi kaiks. Wauhkataya ba yas bara makabi walanka kum laki kaikaia dukiara uplika ra kli wih kaikaia ridi taks.
La Atalaya Lih Mairin kati 1
“Upla manis ba lukisa rilidian ba pulitik tilara dimaia sa, bara wala nani lukisa rilidian ba pulitik wal asla kaia apia sa. ¿Man naha dukiara dîa lukisma? [Ansika maikbia swis.] Kaiks, upla mita Jisas ra pulitik tilara dingkaia munan taim, witin dîa daukan ba [Jan 6:15 aisi kaiks]. Naha wauhkataya ba marikisa dîa muni Jisas pulitik tilara dimras kan ba, baku sin tânka marikisa yawan kristian uplika kum baku wan tawanka dukiara dîa daukaia sip sa.”
¡Despertad! Lih Mairin kati
“Upla sut ba piua kum ra upla wala mita saura munan sa. ¿Man lukisma yu kum kli upla nani ba saura wan munbia apia? [Ansika maikbia swis.] Baibil ra prapit dahra aisanka kum takisa. Bahara wisa king kum balbia bara upla nani sut ra yamni munbia [Lawana 72:11-14 aisi kaiks]. Naha wauhkataya ba Baibil pramiska nani kaina piua ra yamni takbia ba dukiara laki kaikisa.”