Kati bani ra “wauhkataya nani ba nahki upla mihta ra swibia”
Kati bani ra Gâd Warkka Daukaia Aidrubanka ra nahki wauhkataya nani upla mihta ra swiaia ba dukiara pîska kum takisa. Naha pîska ra tânka nani sut laki kaikaia dukiara mangkras kan, sakuna tânka sât sât marikaia bara baku upla mihta ra swiaia. Naha ba nahki daukaia ulbanka ra marikisa. Naha aisanka bri uplika ba tâ krikaia dukiara bîla prahni ra bara kupia buki aisisa. Ningkara, wali nani ra makabisa ulbanka lalka kum wina apia kaka ailal wina tânka kum wibia. Baku, wali nani ba ani pîska dukiara aisi ba nu kabia bara ani tânka witin nani yus munaia luki ba ulbi briaia sip sa. Naha aisanka tâ bri uplika ba marikanka aiska kum daukaia apia sa, sakuna wali nani ra yaka wibia ani makabi walanka bara tiks nani yus munaia sip sa. Danh takaia dukiara, wauhkataya kumi bani marikanka kum daukisa. Baha mita, sut ra kupia bukisa wauhkataya nani ba kaina manis wina tânka laki kaikaia bara aidrubanka ra tânka kum marikaia. Sut ba pain ridi takisa kaka, kumi bani ba ai uplika wal asla taki ai sinska ba pakisa (S.L 27:17).