Marikanka nani

Lih Mairin kati ra pas satadika Baibil stadika nani nahki tâ krikaia

“Yawan sut ba mistik tatakra sa. ¿Man lukisma Gâd ba wan mistikka tara nani ba swih tikisa?” Uplika ba ansika maikbia taim, Lih Mairin kati 1, La Atalaya wauhkataya, ulbanka lalka wahia 15 ba uplika ra mariks. Makabi walanka pas mununhtara ulbanka taki ba dukiara aisas bara Baibil tikska kum aisi kaiks. Wauhkataya ba uplika ra yas bara makabi walanka wala ansika yabaia dukiara ahkia kli balma yua ba sin wis.

La Atalaya Lih Mairin kati 1

“Naha tikska ra dîa lukisma ba dukiara nu takan ai daukisa [1 Jan 4:8 aisi kaiks]. Upla manis ba nahara dîa wi ba ra kasak lukisa, sakuna upla kum kum wisa Gâd ba saura sa, kan Witin tasba trabilka nani ba swin takisa. ¿Man dîa lukisma? [Ansika maikbia swis.] Naha wauhkataya ra marikisa diara ailal tâwan yawan sip apia sa Gâd lâka daukaia saurka nani sut taki ba mita.”

¡Despertad! Lih Mairin kati

“Naiwa yua ra upla nani ra wih kaiki taukisa, kan yawan sut wari takisa lâ krikaia lâka ba tâwan. Upla kum kum lukisa pulis uplika nani kau mangkaia sa baha trabilka nani wapni mangkaia dukiara. ¿Man dîa lukisma? [Ansika maikbia swis.] ¿Pat nu kapram Baibil ra wisa lâ krikaia lâka ba danh takbia? [Lawana 37:10, 11 aisi kaiks.] Naha wauhkataya ra wan marikisa nahki naha pramiska ba aimakbia bara nahki lâ krikaia lâka ba wina wan kan kahbaia.”