Marikanka nani

Sikla kati ra pas satadika Baibil stadika nani nahki tâ krikaia

“Upla nani ba piua kum kum ra Gâd ra ai pura sunisa. Baku sin, Gâd ra lukras uplika nani sin trabil brisa piua ra ai pura sunisa. ¿Man lukisma Gâd pura sunra nani ba sut walisa?” Ansika maikbia swis. La Atalaya wauhkataya, Sikla kati 1 wahia lâs ba mariks. Baha wina aikuki makabi walanka pas ba laki kaiks bara tiks kum aisi kaikaia sip sma. Wauhkataya nani yas, bara makabi walanka wala ansika kum yabaia dukiara ahkia kli balma yua ba wis.

Ulbanka: Naha marikanka ba Sikla kati 3 smalki taki waia aidrubanka ra laki kaikaia sa.

La Atalaya Sikla kati 1

“Upla nani ba uba wari takisa kan rug lâka tâski soka nani ba uba param sakisa naiwa piua ra. Sakuna, upla wala nani sin lukisa naha sât soka nani ba kaikaia trabil âpu sa. ¿Naha dukiara man dîa lukisma? [Ansika maikbia swis.] Jisas win dus yamni ba mâ pain sakisa. Baku sa kaka, baha ba yawan laki kaikbia. [Matiu 7:17 aisi kaiks.] Naha wauhkataya ra laki kaikisa rug lâka soka nani ba dîa sât mâ sakisa. Baku sin, naha wauhkataya ra marikisa nahki yawan sip sa naha sât soka nani wina pri takaia.”

¡Despertad! Sikla kati

“¿Rait apia yawan piua wihka raya kaia want sa? ¿Man lukisma naiwa piua ra upla sinska lâka pâwan ba natka kum pliki sâkbia ban kaia ra iwaia dukiara? [Ansika maikbia swis.] Baibil ba pramiska painkira kum wankisa [1 Korint 15:26 aisi kaiks.] ¿Man lukisma Gâd naha pramiska daukaia dukiara, waitna sinska lâka pâwan ba yus munbia apia kaka natka wala brisa? ¿Dîa muni naiwa yawan almuk taki bara pruisa? Naha wauhkataya ra Baibil dîa ansika bri ba dukiara marikisa.”