Marikanka nani

Kuswa kati ra pas satadika Baibil stadika nani nahki tâ krikaia

“Yawan upla nani wal aisisa taim, nu takisa witin nani Baibil ba dukiara lukanka sât sât brisa. Upla kum kum ba lukisa Gâd Bîla sa bara wala nani lukisa buk kum baman sa. ¿Bara man Baibil dukiara dîa lukisma?” Ansika maikbia swis. Uplika ra La Atalaya wauhkataya, Kuswa kati 1 dukia ba yas bara nina sait ba mariks. Makabi walanka pas ba uplika wal laki kaiks bara tiks kum yus muns. Wauhkataya ba yas bara makabi walanka wala laki kaikaia dukiara ahkia kli balma yua ba wis.

La Atalaya Kuswa kati 1

“Rait apia, upla manis ba ai brinka sa war ba danh takbia. ¿Man lukisma tasba ra kupia kumi lâka bara kaia sip sa? [Ansika maikbia swis.] Baibil pramiska ba kaiks [Lawana 46:9 aisi kaiks]. Ban kra naha kasak lukaia ba isi apia sa. Sakuna Pas war tara Tasba aiska ra aiklaban ba tilara, bara ningkara dîa takan ba hilp wan munisa kau kasak lukaia naha pramiska sut ba aimakbia. Naha wauhkataya ra tânka laki kaikisa.”

¡Despertad! Kuswa kati

“Yawan sut ra trabil kum wan taki ba dukiara aisaia balri sa. Upla manis ba wari takisa kan uya taim âpu sa wisa. ¿Dîa muni baku takisa, yawan uba wark brisa apia kaka taim ba pain yus munras sa mita lukisma? [Ansika maikbia swis.] Upla manis ba nu âpu sa Baibil ba wan taimka pain yus munaia dukiara hilpka manis bri ba. Naha ba sampla kum sa [Pilipai 1:10a aisi kaiks]. Naha wauhkataya ra tânka laki kaikisa natka walhwal nahki wan taimka ba kau pain yus munaia.”