La Atalaya bara ¡Despertad! kati luan nani ra takan ba pain yus munaia sip sa

Wauhkataya nani ba suni swiaia apia kaka lulkaia ba upla kumi sin yamnika sâkbia apia, baha mita trai munaia sa upla mihta ra swiaia. Wauhkataya kumi pan yabia ba wina sip sa upla ba tânka kasak ba kau nu takaia bara Jehova nina mâkaia ai brinka kabia (Ro. 10:13, 14). Naha kupia kraukanka nani ba hilp wan munbia wauhkataya nani kati luan nani ra sakan ba pain yus munaia.

• Smalkaia pliska kum pat pat wih smalkras bâra kabia taim, upla âpu watla nani ra wauhkataya kum swibia, upla wala nani kaikras pliska kum ra.

• Upla ailal bâra pliska nani ra, sampla baku, bus nani takaski pliska apia kaka duri takaski pliska ra, bîla kaiki uplika nani ra makabi walbia aisi kaikaia ai brinka sapa. Baku sin, upla nani ra wauhkataya kum kum marikbia ani aisi kaikaia want ba bribia dukiara.

• Upla bîla kaiki pliska nani ra smalkisa taim, sampla baku, daktar ra dimaia pliska kum, naha wauhkataya nani ba swiaia sip kabia. Sakuna pliska dawanka bâra sa kaka, aitani kabia adar makabaia. Bara wauhkataya wala nani bâra sa kaikbia kaka, pain kabia kau swiaia apia.

• Upla nani ra kli wih kaikaia wabia taim, luki kaiks uplika kumi bani ba dîa aisaia kau ai brinka kabia. ¿Luhpa nani brisa ki? ¿Plis wala nani ra impakaia ai brinka sa? ¿Tagni nani mangkaia laik sa ki? La Atalaya bara ¡Despertad! kati luan nani ra takan bâra kaikaia sip sa. Bara ulbanka lalka ba uplika ra marikbia apia kaka yabia.

• Kau nu takaia want uplika kum wal kli aisisa, bara naha ba kati nani luan ra ai watla ra âpu kan kaka, wauhkataya nani witin âpu ba kum kum swiaia sip sa.