Nu Takan Daukisa

◼ Tuktan nani ba spirit lâka ra pawbia dukiara, ¿dîa lan takaia nit sa?

Aisa yapti nani wark tara daukisa ai luhpia nani ra spirit lâka ra smalki pakaia dukiara (Epe. 6:4). Sampla baku, titan ra yu bani tikska ba laki kaikisa, kan yamnika manis brisa. Pamali Mayunra bara piu wala nani ra, pamali kum kum ba lilka kum kaiki bara laki kaikisa, Los jóvenes preguntan ulbanka lalka nani wina kum nit ba laki kaikisa, Baibil sturka kum pulanka daukisa, apia kaka tânka kum nahki smalkaia ba dukiara praptis munisa. Sakuna luhpa nani ba spirit lâka ra aitani pawbia dukiara, Baibil tânka tara nani ba pain ai tânka briaia sa (Hib. 6:1).

Smalkisa uplika nani ra nahki lan dauki ba dukiara wira laki kaiks. Pas yua apia kaka uplika ra kli wih kaikisa taim, yawan trai munisa Rait pali Baibil ba Dia Smalkisa ki? Bukka wal mahka Baibil stadika kum tâ krikaia. Bara baha bukka danh takisa taim, “Gâd Latwanka Laka ra Ban Bas” bukka wal tâ krikisa. ¿Dîa muni baku daukisa? Smalkisa bukka ba stadi tatakra nani ra Baibil tânka kum kum baman yabisa, sakuna “Gâd Latwanka Laka” bukka ba Baibil smalkanka nani ai rayaka ra nahki alki daukaia ba hilp munisa. Naha bukka wâl laki kaikaia ba raya nani ra hilp munisa Kraist ra ban alki bri kaia bara ai kasakka lukan lâka ra nikras kira kaia (Ko. 2:6, 7). Naha tânka nani ba wan luhpia nani wal laki kaikbia kaka pain kabia. Nit pali sa witin nani atki sakan lâka, King lâka bara pruan nani ba nahki bangwisa dukiara pain ai tânka bribia. Baku sin, Gâd dîa muni pât wahwanka swin taki ba tânka bara yawan nahki nu sa naha piua nani ba tnata yua ra sa dukiara lan takaia sa. Witin nani pain nu kaia sa Jehova Witniska nani ba tânka kasak ba brisa, Baibil smalkanka nani ba pain ai tânka briaia bara “naha na pain bara naha na saura ba tânka nu kaia sa” (Hib. 5:14). Param sa aisa yapti ba ai luhpia nani ba ani pitka kat ai tânka briaia sip ba laki kaikaia sa. Tuktan manis kau sirpi kabia sin Baibil tânka karna nani ba pain ai tânka briaia sip sa (Lk. 2:42, 46, 47).