Marikanka nani

Yahbra kati ra pas satadika Baibil stadika nani nahki tâ krikaia

“Pliskam pali naha makabi walanka taki ba kaiks. [La Atalaya wauhkataya Yahbra kati 1, nina sait ra makabi walanka taki ba aisi kaiks.] ¿Man dîa luki sma? [Makabi walanka mununhtara baiki sakanka wâl taki ba aisi kaiks bara tiks kum yus muns.] Yang sip sna kli balaia bara aikuki laki kaikaia dîa muni Jisas upla nani prura ba wina bukan bara naha daukan ba yawan dukiara dîa tânka brisa.”

La Atalaya Yahbra kati 1

“¿Pat mamkabi walram sa dîa muni naha tasba ra diara uba saura takisa? [Ansika maikbia swis.] Baibil ba dîa tânka marikisa kaiks. [Param Marikanka 12:9 aisi kaiks.] Sakuna, borska 12 ra bîla kaikanka kum wankisa. [Param Marikanka 12:12 aisi kaiks.] Naha marikisa tisku pali Sitan karnika naha tasba ra bri ba lap tiwbia. Naha ulbanka lalka nina ‘¿Sitan ra sibrin briaia sa ki?’, marikisa nahki Sitan karnika mununhta wina sait ra takaia sip sa naiwa piua ra bara Sitan ra dîa takbia tisku pali. Naha wauhkataya ba man dukiam sa.”

¡Despertad! Yahbra kati

“Upla sut ba lilia kaia want sa, sakuna naiwa upla aihkika ba lilia apia sa. ¿Dîa pali ba lilia lâka ba wankaia sip sa? [Ansika maikbia swis.] Yang kaiki sna lilia briaia dukiara Baibil ba hilp munisa. Sampla baku, naha Baibil smalkanka nani ba kaiks [Hibru Nani 13:5 aisi kaiks.] Naha wauhkataya ba natka walhwal Baibil wina marikisa liliaka lâka rait aihwa ba pliki sakaia.”