Marikanka nani

Trisu kati ra pas satadika Baibil stadika nani nahki tâ krikaia

“Aisa yapti manis ai brinka sa ai luhpia nani ba Gâd dukiara lan takbia bara latwan kaikaia. ¿Man lukisma aisa yapti nani ba ai luhpia nani ra lan daukaia sa Gâd ra latwan kaikbia, apia kaka luhpa nani ba silp daukaia sa?” Ansika maikbia swis. La Atalaya wauhkataya, Trisu kati 1 wahia lâs ra makabi walanka pas taki ba laki kaiks bara tiks kum yus muns. Wauhkataya ba yas bara makabi walanka wala laki kaikaia dukiara ahkia kli balma yua ba wis.

La Atalaya Trisu kati 1

“Upla nani ra wih kaikanka sirpi kum daukisa Gâd dahra aisaia dukiara. Upla bani ba silp ai lukanka brisa Gâd dukiara, sakuna man dîa luki sma upla nani ba Gâd ra nahki kaikisa ¿Witin ba yawan dukiara lukras sa apia kaka pana pain kum wan luki ba baku kaikisa ki? [Ansika maikbia swis.] Baibil ba marikisa Gâd ba nahki Witin ra kaikbia want sa. [Jems 4:8a.] Naha wauhkataya ra natka yumhpa marikisa yawan dîa daukaia sip sa Gâd lamara kaia dukiara.”

¡Despertad! Trisu kati

“Upla nani wal siknis kum iwi ba dukiara aisi tauki banhwisna, kan upla nani ba uba wari takisa. Organización Mundial de la Salud ba maisa pakisa wan sinska ra siknis nani taki ba, depresión wi ba sikniska baku, upla walhwal wina kum ba trabilka bribia yu kum ai rayaka ra. ¿Man lukisma wan lal sikniska nani ba uba takisa? [Ansika maikbia swis.] Baibil ba pramis munisa kaina piua ra siknis bara latwanka nani sin âpu kabia. [Param marikanka 21:3, 4.] Naha wauhkataya ba tânka marikisa dîa yawan ba nu takaia sa lal sikniska nani ba dukiara.”