“Diara yamni nani” wan walka ra sir munbia (Mt. 12:35a)

Kasak lukisa yawan sut ba “diara yamni nani” ba sir munaia want sa, ¿nahki natka ra? Upla bal wan kaiki nani ra pain briaia natka pliki (Ro. 12:13). Kangrigisan almukka nani ba pura kaiki kabia aisanka nani yabi uplika kum bal wan kaikbia taim, pasiska mana bara plun kum yabia. Ban kra, yawan kumi bani ba namhpa namhpa lukbia sip apia sa, kan lalah trabilka brisa, apia kaka upla wala wamtla ra briaia ba uba sringka mai daukisa. Jisas Marta ra dîa win ba daukaia lukbia kaka, hilp wan munbia naha sât lukanka nani ba pura luaia (Lk. 10:39-42). Jisas param win “diara yamni nani” sir munaia ba tânka sa pana lâka pain bara kupia bukanka lâka briaia, sakuna plun manakira sât daukaia lika apia. Naha kupia kraukanka bîla wali, yawan sut “diara yamni nani” ba sir munaia sip sa wan muihni lakri nani wal Baibil ra wi ba baku (3 Jn. 5-8).