Prapit Abakuk samplika wina lan taks
1. ¿Dîa muni yawan prapit Abakuk ra pain tânka brisa?
1 Yawan tasba ra saurka lâka kau pâwisa kaiki taim, Abakuk baku wan dahra walisa, witin Jehova ra makabi walan dîa muni saurka lâka ba swin takbia (Ab. 1:3; 2 Ti. 3:1, 13). Abakuk smalkanka bara ai kasakka lâka samplika ra luki kaia ba, hilp wan munaia sip sa bapi bui kaia Jehova yua tara balbia ba kat (2 Pi. 3:7).
2. ¿Yawan nahki sip sa kasak kaia Abakuk baku?
2 Yawan kasak kaia sa. Abakuk sari lukaia sirka ra, aihwaki bara takaskras kira spirit lâka ra dutki kan (Ab. 2:1). Jehova prapit ra win Ai bîla ba piua kat tnata aimakbia bara kasakkira nani ba ban raya kabia (Ab. 2:2-4). ¿Naha dîa tânka sa kristian nani mapara tasba tnata ra iwi ba dukiara? Kau pain sa luki kaia tasba tnata rait balbia sakuna ahkia balbia baha lika apia. Kasak lukaia hilp wan munisa aihwaki kaia bara smalkaia warkka ba pas daukaia (Hib. 10:38, 39).
3. ¿Dîa muni yawan Jehova dukia ban liliakira daukaia sa?
3 Jehova dukia daukaia lilia sa. Gog Magog wina Jehova uplika mapara aiklabia taim, wan kasakka lukan lâka traika kaikan kabia (Isi. 38:2, 10-12). War aiklabanka kum bâra sa taim, diara sut karna munisa, win tatakra nani mapara sin. Upla nani ba ai dukia nani lus tiwisa, plun uya âpu sa, bara ban kra kau umpira lâka bâra sa. ¿Naha sât trabilka nani bâra kabia taim yawan dîa daukbia? Abakuk trabil nani bila kaiki kan, baha mita liliakira Jehova dukia dauki kan (Ab. 3:16-19). Jehova “liliaka ba” hilp wan munaisa bapi bui kaia trabilka nani tilara (Nih. 8:10; Hib. 12:2).
4. ¿Dîa dukiara yawan lilia kaia sip sa naiwa bara kaina piua ra sin?
4 Jehova yua tara balbia taim, ai uplika kaina kahbia nani ra, ban lan dauki kabia (Ab. 2:14). Upla pruan nani bubia taim, Jehova wina lan takbia. Naiwa yawan dîa sanska bri ba aitani sa yus munaia Jehova dukiara aisaia bara dîa pranakira nani dauki ba sin (Law. 34:1; 71:17).