Gâd daukanka nani sip kaikras ba ai paskanka bâk kaikisa

Tangni kum, tihmia ra slilma painkira ailal apia kaka kipla tara nani ra lî binka karna wal aubi ba yawan kaikisa taim, ¿wan Papaskra dukiara lukisa ki? Paskanka ba hilp wan munisa “param pali kaikaia” Jehova daukanka nani sip kaikras ba (Ro 1:20). Dîa kaiki ba ra yawan lukisa taim, Gâd daukanka nani ba kaikaia sip sa: ai karnika lâka, latwanka lâka, sinska lâka, kasakka lâka bara ai kupia pihni lâka ba (Law 104:24).

¿Yu bani man ba ani Jehova paskanka nani kaikisma ki? Tawan tara kum ra iwma sin, daiwan tnawira bara dus nani kaikaia sip sma. Paskanka ba pain luki kaikisa kaka, hilp wan munaia sip sa wan trabilka nani dukiara uya wari takaia apia, kau ni diara pain nani ra lukaia, bara kasak lukaia Jehova mita ban kaia ra main wan kaiki kabia ba (Mt 6:25-32). Man luhpa brisma kaka, witin nani ra hilp muns kaikbia Jehova daukanka pranakira nani ba. Jehova diara nani paskan ba dukiara tingki lukisa kaka, witin wal kau asla wan dara walbia (Law 8:3, 4).

GÂD PASKANKA NANI BA AI PRANA BA MARIKISA: LAPTA INGNIKA BARA KALAT NANI BA LILKIKA KAIKBIA NINGKARA, NAHA MAKABI WALANKA NANI LAKI KAIKS:

• ¿Nahki pigmentos nani ba hilp wan munisa kalat nani kaikaia dukiara?

• ¿Kalat sât sât iridiscente wi ba nahki takisa?

• ¿Dîa muni kasbrika ba kalat sât sât ra kaikisa?

• ¿Wamtla lamara dîa kalatka painkira nani kaikram sa ki?

• ¿Dîa muni pain sa taim plikaia paskanka ra luki kaikaia dukiara?