Diara saura almuk ba wan kupia wina daiki, diara raya yamni ba dingkaia

3:5-14

¿Man kangrigisan ra dimram taim, rayakam ra chens ailal daukram? Kupiam krauks karna trai munram ba Jehova kaiki lilia takan (Isi 33:11). Bamna, piu bani yawan nit sa karna trai kaikaia daukanka saura almuk nani ba kli bal takbia apia dukiara, bara daukanka yamni raya nani ba baman mariki kaia. Naha makabi walanka nani laki kaiks, man rayakam ra kau pain daukaia dukiara:

• ¿Upla kum saura ai munan ba mapara yang ban praut sna ki?

• ¿Diara isti daukaia brisna taim apia kaka swapisna taim wihka bîla kaikanka brisna ki?

• ¿Rug lâka lukanka tâski kum sinski ra balisa kaka, isti saki lulkisna ki?

• ¿Kiamka wala bara nisan wala uplika nani ba mapara lukan saura brisna ki?

• ¿Bisi taim upla kum ra turi karna wal aisari, apia kaka kupi baiwan sa ki?