Yawan ba Jehova ra latwan kaiki uplika nani ba wal taim luaia sa

¿Dîa muni yawan ba Jehova ra latwan kaiki uplika nani ba wal taim luaia sa? Kan wan pânika nani ba sip sa hilp wan munaia, apia kaka saura wan munaia (S.L 13:20). Baibil ra wisa, “Joás daukanka nani ba Dawan [Jehova] nakra ra yamni kaikan” kan prîs Joiadá wal taim luan (2Kr 24:2). Joiadá ba pruan taim, Joás ba Jehova bîla lulkan, kan pâna saura nani wal asla tauki kan (2Kr 24:17-19).

Pas handat mani piua ra, apastil Pal ba kristian kangrigisanka ba “utla tara kum” ba wal praki kaikan bara kangrigisan muihni, lakri nani ra kap wal praki kaikan. Muihni bara lakri nani tilara, apia kaka wan pamalika tilara Jehova bîla walras nani ba wal asla apia sa taim, Gâd warkka dukiara yawan ba “yus munaia dukia” baku sa (2Ti 2:20, 21). Baha mita, Jehova ra latwan kaiki uplika nani ba wal baman taukaia sa bara witin warkka daukaia, wan kupia buki nani ba wal pâna takaia sa.

PÂNA SAURA NANI BA WAL ASLA KAIA APIA LILKIKA KAIKBIA NINGKARA, NAHA MAKABI WALANKA NANI LAKI KAIKS:

• ¿Wan dara walras si muni nahki sip sa pâna saura nani wal taukaia?

• ¿Lilka ra kristian yumhpa nani ra dîa mita hilp munan pâna saura nani swiaia?

• ¿Ani Baibil smalkanka nani ba hilp wan munaia sip sa pâna pain nani wahbi sakaia dukiara?