Yawan dîa pain dauki ba Gâd ba ai âuya tikras sa

Yawan ba Jehova dukiara wark pain daukisa taim, baha daukanka pain nani ba tiwras ban bâra sa. Aisa pain kum ai luhpia nani wark yamni nani tnata alkan taim liliakira baha dukiara ai kupia krawisa, sim baku Jehova yawan dukiara ai kupia krawisa diara pain nani yawan dauki ba ra, baku sin witin nina tâwan latwan lâka marikisa taim (Mt 6:20; Hib 6:10). Latan sa, yawan dîa daukaia sip ba wala nani ba wal sim praiska kat daukras sa, bara wan rayaka ba upla wala nani rayaka ba wal sim sât apia sa. Sakuna, yawan dîa sip ba kat Jehova warkka daukisa kaka, yawan lilia kabia (Gal 6:4; Kol 3:23). Mani luan nani wina, muihni bara lakri tausin nani ailal Betel ra wark daukan sa. ¿Man sim sât daukaia wilin sma ki? Sip apia sma kaka, ¿pamalikam uplika kum ra kupia bukaia sip sma Betel ra wark daukbia? ¿Apia kaka pamalikam uplika kum ba pat Betel warkka dauki ba ra tâ baikaia?

BETEL WARKKA DAUKAIA DUKIARA WILIN TAKS LILKIKA BA KAIKBIA NINGKARA, NAHA MAKABI WALANKA NANI LAKI KAIKS:

• ¿Dîa lukanka pali wal Betel ra wark daukaia sa ki?

• ¿Muihni, lakri kum kum dîa win sa Betel ra wark daukaia blisinka nani sakan ba dukiara?

• ¿Betel ra wark daukaia dukiara dîa wan makabisa ki?

• ¿Betel ra wih wark daukaia ba nahki makabaia sip sa?