Las tnata piua pat baila ba ra yawan kasak bapi bûi kaia sa

DÎA MUNI TÂNKA TARA SA. Tisku piua ra diara aihka tara nani takan kabia, baha mita kupia karna lâka bara Jehova ra kasak lukan lâka yawan bri ba kau karna traika kaikan kabia. Rilidian kuninkira nani ra sauhki tikbia taim, pât wahwanka tara ba tâ krikbia (Mt 24:21; Par.M 17:16, 17). Baha piua saura ba tilara, ban kra upla lâka daukaia smalkanka karna kum yawan yabia (Par.M 16:21). Gog Magog wina ba wan mapara aiklabia (Isi 38:10-12, 14-16). Bamna Jehova “witinka karnika sut bri ba yua tara” warka ba brih balaisa (Par.M 16:14, 16). Kaina piua ra kupia karna lâka yawan briaia want kaka, naiwa piua ra trabil nani bri ba mapara bapi bûi kaia sa.

NAHKI DAUKAIA

• Daukanka sunu Jehova wan smalki ba wan rayaka ra sibrin âpu alki briaia sa (Ais 5:20).

• Wan muihni bara lakri nani aikuki Jehova ra mayunaia sa (Hib 10:24, 25).

• Jehova asla takanka ba dîa daukaia wan makabi ba isti alki daukaia sa (Hib 13:17).

• Patitara piua ra nahki Jehova ai uplika nani swaki sakan ba aman luki kaia sa (2Pi 2:9).

• Jehova wan pura suni bara witin ra kasak luki kaia sa (Law 112:7, 8).

KAINA PIUA RA DIARA TAKBIA BA MITA YAWAN KASAK KUPIA KARNA LÂKA BRI KAIA SA (PÎSKA KUM) LILKIKA BA KAIKBIA NINGKARA, NAHA MAKABI WALANKA NANI LAKI KAIKS:

• 

  Kangrigisan ra diara kum kum chens takan taim, ¿dîa muni muihni bara lakri kum kum mapara bîla walaia isi apia kan ki?

• 

  ¿Kupia karna lâka bara bîla walaia lâka ba nahki wâl asla sa?

• 

  ¿Armagedan piua ra dîa muni yawan kupia karna lâka nit kabia?

• 

  ¿Ani Baibil sturka ba hilp wan munaia sip sa wan kasakka lukan lâka karna daukaia Jehova swaki wan sakaia sip ba dukiara? (2Kr 20:1-24).