Gâd tintka watla ba bilara ani dukia kau kulkanka tara bri kan

25:9, 21, 22

Gâd tintka watla ba bilara bara lsrael uplika nani diara bri kan ba tilara sin lâ auhbaia watla ba kau tânka tara bri kan. Lâ auhbaia watla purara kirubin nani lila ra mukus kum bâra kan, mukus ba Gâd bâra kan tânka kan. Saurka nani Swih Tikaia Yua ra, prîs kau tara ba Plis Holikira Pali ba ra dimi lâ auhbaia watla pura prakaika ba purara bîp wainhka tâlia bara guts tâlia ba srikbi kan, bara Israel uplika nani saurka lâka ba swih tiki kan (Lib 16:14, 15). Naha na, Prîs Tara Jisas ba heven Jehova mawanra diman tânka sa, ai sakripaiska mana tara marikaia dukiara (Hib 9:24-26).

Baibil tikska nani na wihki Gâd yamnika nani wankbia ba wal asla dauks, naha yamnika nani na yawan bribia Jisas ai rayaka ba sakripais baku yaban bamna.

TIKS NANI

• 1Jn 1:8, 9

• Hib 9:13, 14

• Ro 6:23

YAMNIKA NANI

• Raya ban kaia lâka briaia bîla kaikanka ba

• Wan mistikka nani swih tikisa

• Wan kupia dara walra ba klin briaia

¿Naha yamnika nani briaia dukiara yawan dîa daukaia sa?