¿Taimkam bara karnikam ba wal tâ baikaia sip sma?

Prapit Aiseya dahra aisan baku, Jehova asla takanka pîska tasba ra bri ba, ai warkka ba nawas piua ra kau pâwi auya (Ais 54:2). Baha mita yawan nit sa Aidrubanka Watla nani, Aidrubanka Watla Tara nani bara sucursal nani ra kau utla ailal mâkaia. Baha sut paskbia ningkara, dîa aisawi ba kli paskaia sa, bara piu luisa taim kum kum ba aiska pali kli mâkaia sa. Naha warkka nani na chans pain kum sa Jehova ra wan taimka bara wan karnika yabaia dukiara. Naku daukaia sip sa:

• Aidrubanka Watla ba wan daknika ba wal klin munaia sip sa.

• Aidrubanka Watla nahki main kaiki paskaia lan wan daukaia sip sa.

• Solicitud de voluntario local de diseño y construcción (DC-50) wauhkataya ba ulbi banhkaia sip sa, wan kuntrika kat mâkaia warkka ba tâ baikaia dukiara, apia kaka kli paskaia warkka ba.

• Solicitud para el programa de voluntarios (A-19) wauhkataya ba ulbi banhkaia sip sa, Betel bara sucursal pura kaiki tasbaya ra wih tâ baikaia. Baha watla nani ra sip sa wik kum, apia kaka kau piu wihka tâ baikaia.

UTLA TARA MÂKAIA WARKKA RAYA BA (PÎSKA KUM) LILKIKA BA KAIKBIA NINGKARA, NAHA MAKABI WALANKA NANI LAKI KAIKS:

• ¿Mani 2014 wina video paskaia warkka ba nahki kau ailal takan sa ki?

• Video nani yawan nit ba paskaia dukiara, ¿dîa watla tara mâkaia sa ki, bara ahkia danh takbia?

• ¿Upla wilinkira an nit kabia ki, bara piua an tâ baikaia sip sa?

• Rámapo pliska ra utla mâkaia warkka yawan tâ baikaia want sa kaka, ¿dîa muni solicitud DC-50 ulbi banhkaia sa, bara LDC warkka nani sin tâ baikaia?

• ¿Yawan nahki nu sa Jehova naha warkka na tâ baiki ba?

• ¿Naha warkka tilara yawan sip dimras sakuna nahki sip sa tâ baikaia?